Noticias
Escolas Abertas 2008 - TELEFORMACIÓN
A Secretaría Xeral de Emigración convoca estes cursos na modalidade de teleformación xa que a formación on line é un instrumento esencial para a participación da cidadanía galega no exterior na vida social e cultural de Galicia dun xeito normalizado e igualmente é unha ferramenta moi útil para a formación e especialización dos inmigrantes.
Destinatarios
- Cidadáns galegos residentes fóra de Galicia e os seus descendentes ata o segundo grao de consanguinidade.
- Inmigrantes extracomunitarios con residencia legal en Galicia.
- No curso de "Xestión de asociacións e entidades sen ánimo de lucro. Subvencións e axudas públicas
- Integrantes de Asociacións de emigrantes retornados e inmigrantes radicadas en Galicia.
- Integrantes de entidades sen ánimo de lucro que traballan na integración da poboación retornada e inmigrante en Galicia.
- Socios de entidades ou centros galegos no exterior inscritos no directorio de centros galegos da Secretaría Xeral de Emigración.
Cursos convocados
- Word básico: 60 prazas
- Xestión de asociacións e entidades sen ánimo de lucro. Subvencións e axudas públicas: 60 prazas
- Novas tecnoloxías (TIC): 60 prazas
- Deseño gráfico: 60 prazas
- Educación para a cidadanía: 60 prazas
- Políticas sociais para a igualdade de xénero e accións positivas: 60 prazas
Requisitos
- Ordenador con conexión a internet
- Calquera navegador web co plugin de flash
- Conta de correo electrónico
Solicitudes
Os interesados deberán cubrir o formulario de matrícula telemática dispoñible no portal da Secretaría Xeral de Emigración www.galiciaaberta.com.
Despois de validadas e impresas as solicitudes, remitiranse, preferentemente por correo electrónico, previamente escaneadas ([email protected]) ou via fax (00 34 981957399) a:
Secretaría Xeral de Emigración
Basquiños, nº 2, 15704 Santiago de Compostela – A Coruña
Xunto coa solicitude presentarase a seguinte documentación:
Fotocopia do DNI, pasaporte en vigor ou outro documento acreditativo da identidade e nacionalidade.
Os cidadáns galegos e os seus descendentes, documentación acreditativa desta condición así como da súa residencia fóra de Galicia.
Os inmigrantes extracomunitarios, tarxeta de identidade de estranxeiro en vigor.
Para o curso de "Xestión de asociacións e entidades sen ánimo de lucro", certificación do secretario co visto e prace do presidente, na que conste que o solicitante pertence a asociación, entidade ou centro galego.
O número máximo de cursos solicitados por persoa será de tres.
É requisito previo estar inscritos como usuarios no portal da Secretaría Xeral de Emigración (http://www.galiciaaberta.com)
Prazo
O prazo tanto para cubrir e validar os formularios, como para a presentación de solicitudes rematará o 10 de novembro de 2008.
Certificados
Requisitos para superar o curso e expedición do diploma acreditativo:
Adecuada realización das actividades
Lectura detallada dos contidos
Superar unha avaliación continuada