Coro da Xuventude de Galicia

Desde o início de 2004 e grazas á axuda de un dos nosos socios, o Coro é dirixido pola maestrina Dª. Ana Luisa Cardoso, unha profesional de elevada competencia e con moita experiencia no eido da música coral, pois do seu longo curriculo hai que destacar a súa permanente participación como soprano no Coro do Teatro Nacional de São Carlos.

Ademais, a súa excepcional sensibilidade musical fixo que ela axiña establecese unha simbiose total coa alma galega, que está na esencia da maioria das pezas do repertorio do Coro. É este tamén un grande mérito seu, que todos con moito agrado lle recoñecemos.

É con unha paciente e persistente preparación, proporcionada por esta maestrina, que o Coro comeza, progresivamente, a ter un compromiso de maior seriedade, participando en varios eventos tradicionais na nosa Casa, como a Festa de Reis e o Dia de Santiago.

Finalmente, neste ano de 2008, ocorreu un novo pulo cualitativo:
o noso Coro comezou a actuar fora da nosa Casa.

No día 18 de abril o noso Coro actuou no “Palacio da Independência”, con moito agrado do numeroso público, na súa maioria asistente asíduo dos prestixiados concertos mensuais de música coral que a sección de música da “Sociedade Histórica da Independência de Portugal” alí promove. Desta vez foi o noso Coro o convidado, o que moito nos honrou, tendo asistido a esa actuación o Presidente da Directiva da Xuventude, D. Miguel Seco.

O noso Coro tivo unha moi agarimosa acollida por parte do responsable polos referidos concertos naquela Sociedade, D. José Alberto Paulitos, o que tamén moito nos sensibilizou.

Ademais, pode dicirse que, nesta actuación, estivo subxacente a lembranza dun antigo Director do noso Coro, nos finais dos anos 80 e principios dos 90, o Compositor e Catedrático de Música D. Nemesio García Carril, que foi profesor no Instituto Español de Lisboa. Dicimos que estivo subxacente a lembranza del porque a meirande parte das cancións, case todas galegas, que o Coro interpretou, e continuará a interpretar noutras ocasións, foron as que el arranxou e harmonizou cando dirixia o Coro.

No pasado dia 31 de maio o noso Coro foi á “Sociedad Española de Benficencia”, onde actuou especialmente para os avós e avoas residentes naquela instituición, estando tamén presentes, entre outras persoas, as monxas voluntarias de San Vicente de Paul e familiares dos residentes.

Tamén asistiron a esta actuación os Presidentes das Xuntas Directivas da “Sociedad Española de Beneficencia”, Dª. Inmaculada Romero e da “Xuventude de Galicia- Centro Galego de Lisboa”, D. Miguel Seco, ben como algúns membros de ámbalas dúas Directivas.

Foi unha enorme satisfación para tódolos elementos do Coro actuar para estes avós e avoas que pasan, monótonamente, un día trás outro, cada un con as súas dificultades. Foi unha honra para o noso Coro ter sido acollido con mostras de moito agarimo e recoñecimento. Ficou a promesa do Coro de repetir a visita aínda este ano.

Non constitui novidade para a Xuventude de Galicia actuar na Beneficencia Española. As actuacións do noso grupo “Anaquiños da Terra”, coas súas danzas e cantares, foron sempre das mais queridas e das mais ansiadas polos abós e aboas . Tódolos anos, a visita de Reis e de Nadal eran prioritárias e ineludibles para este noso Grupo.

É intención da Xuventude de Galicia poder continuar a contribuir para a alegría destes avós e avoas da Beneficencia, asi como a de todos aqueles que, estando en idénticas condicións, nos conviden a participar nesa misión de levarlles unha mostra da peculiaridade da nosa Cultura.