aulas de folclore galego en Lisboa

Restaurante Galego

Reservas: 21 882 13 92

Biblioteca

O Centro Galego de Lisboa dispón de unha Biblioteca con mais de 9.000 exemplares, entre libros, audios e audiovisuais, alén das Publicacións periódicas.

Servicio de consultas e asesoramento:
Tel. 21 885 36 80
Horario:
de 10h a 12h30

A Xuventude de Galicia

A Xuventude de Galicia adicouse durante os seus cen anos de existencia, a divulgar a cultura, a historia, os costumes e a gastronomia de Galicia e de España.

Manuel Cordo Boullosa

Lisboa 05.12.1905 + Lisboa 06.04.1998

Cuarto fillo de Manuel María Cordo Martínez e Leocadia Boullosa y Muñoz, matrimonio galego emigrado a Portugal. Cun ano de idade morre a sua nai o que motiva a súa ida para a localidade pontevedresa de Caritel, Pontecaldelas. Regresa alguns anos despois a Lisboa para traballar ós seus 15 anos có seu pai na venda de carbón en botellas de queroseno para fornillos polas ruas de Lisboa, tomando contacto có mundo dos hidrocarburos, negocio ó que adícase mais tarde – neste caso o petróleo - e que o vai convertir nun dos maiores empresarios portugueses de sempre.

Antes disto, traballa como administrativo dende os 14 anos, prepara o curso comercial na Escola Académica, que conclúe ó mesmo tempo.

O petróleo é realmente o seu futuro. Despois de adicarse a súa venda, participa no ano 1933 na fundación da SONAP - Sociedade Nacional de Petróleo, en sociedade cun grupo francés. Pouco tempo despois, entra no complexo petrolífero de Sines. A súa prometedora actividade empresarial no ramo petrolífero está solidamente encamiñada. Non deixa de expandir os seus intereses no estranxeiro, ampliando a súa actividade empresarial no sector en África Austral, onde funda e preside varias empresas petrolíferas, como a SONAPMOC e SONAREP, en Mozambique, a SONAREP South Africa e HOMEGAS, en África do Sur, a OILCOM, en Malawi e a SONAREP na Suazilandia. Manuel Cordo Boullosa ten o mérito de terse adiantado, cando aínda ninguén podería adiviñar o enorme potencial económico que derivaría do negocio do petróleo. Nesta mesma liña, e xa sendo coñecido internacionalmente no ramo, foi tamén administrador da OMNIUM Français de Petroles.

Ainda así, alén de ser considerado por moitos o único e verdadeiro empresario portugués do mundo do petróleo, Manuel Cordo Boullosa adicouse a outras actividades empresariais, por exemplo no sector financeiro, onde foi, administrador do Banco Fonsecas & Burnay, presidente do Banque Franco-Portugaise (Francia), do Lissabon Bank (Alemania) e do Banco Pinto de Magalhães (Brasil). Neste último país, tamén administrador do Banco Itaú. Retivo tamén, en Portugal, ata 1974, unha considerable parcela das accións do Crédito Predial Português.

O seu nome aparece relacionado ós maiores acontecimentos económicos en Portugal dende case a década dos anos 30, construíndo un forte imperio económico durante o réxime de Salazar, que sobreviviría ó 25 de Abril.

A súa actividade mantívose ata o momento da sua morte, a través da súa actuación para que se salvaguardara a posición portuguesa na GALP - onde era un dos grandes investidores – frente á presión italiana do grupo ENI para controlar boa parte das accións da empresa. Boullosa tentou manter unha participación directa na petrolífera portuguesa (xa que dende 1992 participava no capital da Petrocontrol, a través de dous lotes de accións, un persoal, outro a través da súa Sonacin-Soc. de Investimentos Financeiros), chegando a solicitar ó governo a debida autorización. Ainda así despois recuou, ainda que á hora da morte, non deixase de impor condicións para que o negocio italiano da petrolífera fora adiante.

Foi un gran mecenas da cultura portuguesa e poseía no Chiado, na mesma rua que alberga a célebre estatua de Fernando Pessoa, a librería Bertrand, un establecemento de culto en toda Europa e Difel Difusión Editorial (en Brasil e Portugal) e na Quetzal.

Manuel Cordo Boullosa nunca renuncióu a súa identidade galega e no ano 1988 agasallou á comunidade galega coa donación do Palacete que actualmente e a sede da nosa “Xuventude de Galicia- Centro Galego de Lisboa” e que no pasado ano 2008 celebrou o seu Centenario.

Para Manuel Cordo Boullosa o mundo era o seu centro de negocios e as súas inversions ian dende a industria ó sector financiero, da agricultura ó comercio, do turismo ó sector editorial.

A Xunta de Galicia, no ano 1991 premia o Sr. Manuel Cordo Boullosa coa Medalla de Casteláo, e anos mais tarde, na reunión do día sete de xuño de dous mil decidiron concederlle a Medalla de Ouro de Galicia, a título póstumo, en recoñecemento tanto á relevancia da súa traxectoria profesional como ó seu compromiso con Galicia e coa colonia galega da capital lusa.